Ofbeldi

Hægt er að fá aðstoð hjá:

Sigurhæðir

Sigurhæðir er þjónusta á Selfossi fyrir konur 18 ára og eldri sem eru þolendur kynbundins ofbeldis í hvaða mynd sem er. Sigurhæðir bjóða samhæfða ráðgjöf, stuðning og meðferð á þínum forsendum. Í boði er einstaklings- og hópmeðferð ásamt sérhæfðri áfallameðferð. Þá er lögregla til staðar innan Sigurhæða til að veita ráðgjöf og upplýsingar og sömuleiðis er lögfræðileg ráðgjöf í boði. Konur búsettar á Suðurlandi og aðstandendur þeirra geta komið, hringt og pantað viðtöl til að fá stuðning, ráðgjöf og upplýsingar.

Nánari upplýsingar: https://www.sigurhaedir.is

Stígamót 

Stígamót er ráðgjafar- og stuðningsmiðstöð fyrir bæði konur og karla sem hafa verið beitt hvers kyns kynferðisofbeldi. 

Nánari upplýsingar: www.stigamot.is 

Kvennaathvarf  

Kvennaathvarf er athvarf fyrir konur og börn þeirra þegar dvöl í heimahúsum er þeim óbærileg vegna ofbeldis. Kvennaathvarf býður upp á viðtalsþjónustu fyrir konur sem eru eða hafa verið beittar ofbeldi í samböndum sem og ráðgjöf og stuðning í síma allan sólarhringinn. 

Nánari upplýsingar: https://www.kvennaathvarf.is/ 

Samtök kvenna af erlendum uppruna á Íslandi (W.O.M.E.N. in Iceland) 

Hlutverk Samtaka kvenna af erlendum uppruna á Íslandi er að sameina, takast á við og ljá hagsmuna- og áhugamálum kvenna sem sest hafa að á Íslandi rödd. Markmið Samtakanna er að vinna að jafnrétti og jafnri stöðu kvenna af erlendum uppruna á öllum sviðum þjóðlífsins. Samtökin eru opin öllum konum af erlendum uppruna sem búsettar eru á Íslandi.  

Nánari upplýsingar: https://womeniniceland.is/