Hagnýtt íslenskunámskeið fyrir foreldra barna með fjölmenningarlegan bakgrunn á grunnskólaaldri

Fjölskyldusvið Árborgar vinnur nú að undirbúningi íslenskunámskeiðs fyrir foreldra barna með fjölmenningarlegan bakgrunn á grunnskólaaldri. Markmið verkefnisins er að bjóða foreldrum grunnskólanema með fjölmenningarlegan bakgrunn í Sveitarfélaginu Árborg á ókeypis íslenskunámskeið þar sem þeir munu kynnast helstu hugtökum og efla orðaforða sem tengist skólastarfi. Námskeiðið mun fara fram í Vallaskóla á Selfossi.

Boðið verður upp á ókeypis málörvun fyrir börn þátttakenda á meðan á námskeiðinu stendur, í samstarfi við grunnskóla Árborgar.

Námskeiðið hefst á miðvikudaginn, 19. október 2022. Stjórnendur grunnskóla eru búnir að senda bréf til foreldra.

Ef þú hefur misst af því hér er hlekkur á könnunina https://forms.office.com/r/4JUdQGiiWR

Skráningarform er neðst í könnuninni.